ఫుజారియాలో మంగళవారం ఉదయం 10.58 నిమిషాల సమయంలో 2.8 తీవ్రతతో స్వల్ప భూకంపం సంభవించింది. యూఏఈ నేషనల్‌ సెంటర్‌ ఫర్‌ మెటియరాలజీ అండ్‌ సెస్మాలజీ ఈ భూకంప తీవ్రతను ప్రకటించింది. తక్కువ తీవ్రత భూకంపం కావడంతో ఎలాంటి ఆస్తి, ప్రాణ నష్టం సంభవించలేదు. భూకంప కేంద్రం ఫుజారియా సిటీ తీరం నుంచి 11 కిలోమీటర్ల దూరంలో, 4 కిలోమీటర్ల లోతులో వున్నట్లు గుర్తించారు. ఆఫ్రికా, ఇండియా, అరేబియా ప్లేట్లలో ఒకటైన అరేబియా ప్లేట్‌లో ఇలాంటి కదలికలు కొత్త ఏమీ కాదని అధికారులు చెప్పారు. ఇరాన్‌లోని మర్మౌరిలో ఆదివారం 4.2 తీవ్రతతో భూకంపం సంభవించింది.