మస్కట్‌:మినిస్ట్రీ ఆఫ్‌ హెల్త్‌ వెల్లడించిన వివరాల ప్రకారం ఒమన్‌లో మొదటి విడతగా 40 శాతం మందికి కరోనా వ్యాక్సిన్‌ అందుతుందనీ, ఈ ఏడాది చివరి నాటికి లభ్యమయ్యే వ్యాక్సిన్‌ని 40 శాతం మందికి తొలి విడతలో అందించేందుకు ఏర్పాట్లు చేస్తున్నామని అన్నారు. సుప్రీం కమిటీ ప్రెస్‌ కాన్ఫరెన్స్ సందర్భంగా మినిస్టర్‌ ఆఫ్‌ హెల్త్‌ అల్‌ సైది మాట్లాడుతూ ఈ విషయాన్ని వెల్లడించారు. సుల్తానేట్‌లో కోవిడ్‌ 19 కేసుల తీవ్రత తగ్గుముఖం పడుతోందని అన్నారు. అయితే, తగిన జాగ్రత్తలు మాత్రం తీసుకోవాల్సిందేనని సూచించారు. గత 24 గంటల్లో 35 మంది కరోనాతో ఆసుపత్రిలో చేరారనీ, 10 మంది ఇంటెన్సివ్‌ కేర్‌లో వున్నారని చెప్పారు మినిస్టర్‌.