దుబాయ్‌:ఇజ్రాయెల్‌ క్యారియర్‌ ఇజ్రెయిర్‌, మొట్టమొదటిసారిగా దుబాయ్‌ అంతర్జాతీయ విమానాశ్రయంలో ల్యాండ్‌ అయి రికార్డు సృష్టించింది. ఫ్లైట్‌ 6హెచ్‌ 663, టెల్‌ అవివ్‌ యోఫో నుంచి ఉదయం 10 గంటలకు (ఇజ్రాయెల్‌ సమయం) బయల్దేరి, దుబాయ్‌ అంతర్జాతీయ విమానాశ్రయంలో 5.10 నిమిషాలకు 166 మంది ప్రయాణీకులతో ల్యాండ్‌ అయ్యింది. కాగా, తమ ఎయిర్‌ బస్‌ ఎ320 ఎయిర్‌ క్రాఫ్ట్‌ ద్వారా వారానికి 14 విమానాల్ని నడపనుంది. ట్రేడ్‌ అలాగే టూరిజం విభాగాల్లో రెండు దేశాలూ కొత్త చరిత్ర సృష్టించబోతున్నాయని ఈ సందర్భంగా ఇరు దేశాలూ పేర్కొన్నాయి.