సౌదీ: ఇసుకను తీసుకెళుతున్న ఓ ట్రక్కు, అల్‌ నహ్దా బ్రిడ్జి నుంచి ఒమన్‌ బిన్‌ అబ్దుల్‌అజీజ్‌ అండర్‌పాస్‌లోకి పడిపోయింది. సౌదీ క్యాపిటల్‌ రియాద్‌లో ఈ ప్రమాదం చోటు చేసుకుంది. ఈ ఘటనలో ఓ కారు కూడా ధ్వంసమయ్యింది. 30 ఏళ్ళ సుడానీ డ్రైవర్‌ ప్రాణాలు కోల్పోయినట్లు పోలీసులు తెలిపారు. రెస్క్యూ బృందాలు సంఘటనా స్థలానికి హుటాహుటిన చేరుకుని, ఓ వ్యక్తిని రక్షించారు. అతనికి ఓ మోస్తరు గాయాలయ్యాయి. అతనికి వెంటనే ఫస్ట్‌ ఎయిడ్‌ చేశారు. ఈ ఘటనపై విచారణ చేస్తున్నామని రియాద్‌ ట్రాఫిక్‌ డిపార్ట్‌మెంట్‌ అధికార ప్రతినిథి కల్నల్‌ నవాఫ్‌ అల్‌ సుదైరి చెప్పారు.