మనామా:కోవిడ్ స్ట్రెయిన్ నేపథ్యంలో అన్ని ముందస్తు జాగ్రత్తలు చేపట్టింది బహ్రెయిన్. ఇక నుంచి కింగ్డమ్ పరిధిలోని హోటల్స్, రెస్టారెంట్లు, లాంజ్, ఇన్ డోర్, ఔట్ డోర్ లలో ఎలాంటి వేడుకలకు అనుమతులు లేవని బహ్రెయిన్ ప్రభుత్వం ప్రకటించింది. కోవిడ్ స్ట్రెయిన్ మరింత వేగంగా వ్యాపించే అవకాశాలు ఉన్నాయనే నిపుణుల హెచ్చరికలతో బహ్రెయిన్ ఆరోగ్య శాఖ ఈ నిర్ణయం తీసుకుంది. ప్రజలు ఒకే చోట గుమికూడటం, పార్టీలు, సెలబ్రేషన్ల పేరుతో ఒకే చోట చేరి వేడుకలు నిర్వహించటం వంటి కార్యక్రమాలపై నిషేధం అమలులోకి తీసుకొస్తున్నట్లు ప్రకటించింది. ప్రస్తుత పరిస్థితుల నేపథ్యంలో హోటల్స్, టూరిజం రంగంలోని సిబ్బంది ఖచ్చితంగా తగిన జాగ్రత్తలు పాటించాలని హెచ్చరించింది.