సౌదీ: కోవిడ్ 19కి విరుగుడుగా దేశ ప్రజల కోసం మరో రెండు వ్యాక్సిన్లను సౌదీ ప్రభుత్వం అందుబాటులోకి తీసుకొచ్చింది. ఇప్పటికే ఫైజర్ బయోన్టెక్ వ్యాక్సిన్ ను అందిస్తున్న సౌదీ ప్రభుత్వం..దానికి అదనంగా ఆస్ట్రాజెనెకా, మోడెర్నా వ్యాక్సిన్లను కూడా అందుబాటులోకి తీసుకొచ్చినట్లు ప్రకటించింది. అస్ట్రాజెనెకా, మెడెర్నా వ్యాక్సిన్లకు ప్రభుత్వం ఆమోదం తెలిపిందని ప్రకటించిన ఆరోగ్య శాఖ...ఇక నుంచి సౌదీ ప్రజలు కోవిడ్ కు విరుగుడుగా కొత్త వ్యాక్సిన్లను కూడా ఎంచుకోవచ్చని వెల్లడించింది. ఫైజర్ బయోన్టెక్ వ్యాక్సిన్ తో పోలిస్తే..ఆస్ట్రాజెనెకా, మోడెర్నా వ్యాక్సిన్లను తేలికగా రవాణా చేయవచ్చని అలాగే వాటిని భద్రపరచటం కూడా తేలికని అధికారులు తెలిపారు.