రియాద్:సౌదీ యువకుడొకరు కారులో వెళుతూ గాల్లోకి కాల్పులు జరిపిన నేపథ్యంలో అతన్ని పోలీసులు అరెస్ట్ చేశారు. తాను చేసిన పనిని గొప్పగా సోషల్ మీడియాలో వీడియో రూపంలో పోస్ట్ చేశాడు నిందితుడు. రియాద్ పోలీస్ అధికార ప్రతినితి మాట్లాడుతూ, నిందితుడిని అరెస్ట్ చేశామని, అతన్ని కస్టడీలోకి తీసుకోవడం జరిగిందని చెప్పారు. నిందితుడిపై కఠిన చర్యలు తీసుకుంటామని, ఇతరుల ప్రాణాలకు హాని కలిగించేలా వ్యవహరించిన నిందితుడిపై పబ్లిక్ ప్రాసిక్యూషన్ తగిన చర్యలు తీసుకోవడం జరుగుతుందని అధికారులు వివరించారు.