బహ్రెయిన్ లో మళ్లీ వర్క్ ఫ్రమ్ హోమ్..కరోనా కట్టడికి కార్మిక శాఖ ఆదేశాలు

- February 07, 2021 , by Maagulf
బహ్రెయిన్ లో మళ్లీ వర్క్ ఫ్రమ్ హోమ్..కరోనా కట్టడికి కార్మిక శాఖ ఆదేశాలు

మనామా:కరోనా కట్టడికి ఆంక్షలను కఠినతరం చేస్తోంది బహ్రెయిన్. ఇందులో భాగంగా కార్మిక, సాంఘికాభివృద్ధి మంత్రిత్వ శాఖ కూడా తమ ఉద్యోగుల ఆరోగ్య భద్రతకు చర్యలు చేపడుతోంది. ఇక నుంచి మంత్రిత్వ శాఖలో 70 శాతం మంది ఉద్యోగులు ఇంటి నుంచే పని చేయవచ్చని ఉత్తర్వులు జారీ చేసింది. హెడ్ క్వార్టర్స్ తో పాటు కార్మిక శాఖలోని కార్యాలయాల్లో విధులు నిర్వహించే వాళ్లంతా రేపటి నుంచే వర్క్ ఫ్రమ్ హోమ్ ప్రారంభించొచ్చని ఆదేశించింది. కార్మిక శాఖలో సేవలు పొందాలనుకునే వీలైనంత వరకు మంత్రిత్వ శాఖకు చెందిన అధికారిక వెబ్ సైట్ వినియోగించాలని అధికారులు సూచించారు. హాట్ లైన్ నెంబర్ 80008001కి కూడా కాల్ చేసి వివరాలు పొందవచ్చని తెలిపింది. 

Click/tap here to subscribe to MAAGULF news alerts on Telegram
   
Copyrights 2015 | MaaGulf.com