షార్జా:యూఏఈలోని మరో ఎమిరేట్ ప్రభుత్వ, ప్రైవేట్ రంగంలోని సిబ్బందికి పీసీఆర్ టెస్ట్ తప్పనిసరి చేసింది. కోవిడ్ 19ని అడ్డుకునేందుకు యూఏఈ ఫెడరల్ గవర్నమెంట్ తీసుకున్న నిర్ణయానికి అనుగుణంగా ఇప్పటికే పలు ఎమిరేట్స్ లు తమ పరిధిలోని ప్రభుత్వ ఉద్యోగులు ప్రతి వారం పీసీఆర్ టెస్ట్ చేయించుకోవాలని ఆదేశించిన విషయం తెలిసిందే. ఇప్పుడు షార్జా కూడా అదే బాటలో పయనిస్తోంది.ఎమిరేట్ పరిధిలోని గవర్నమెంట్, సెమీ గవర్నమెంట్ రంగంలోని విధులు నిర్వహిస్తున్న సిబ్బందితో పాటు...ప్రైవేట్లోని కొన్ని సెక్టార్ స్టాఫ్ ఖచ్చితంగా పీసీఆర్ టెస్ట్ చేయించుకోవాలని ఆదేశించింది. ప్రభుత్వ ఉద్యోగులు అయితే ఏడు రోజులకు ఒకసారి పీసీఆర్ టెస్ట్ చేయించుకోవాలని, రెస్టారెంట్లు, కేఫ్ లు, సెలూన్ల వంటి ప్రైవేట్ రంగాల్లోని సిబ్బంది రెండు వారాలకు ఓ సారి పీసీఆర్ టెస్ట్ చేయించుకోవాలని షార్జా పాలనా యంత్రాంగం ఆదేశించింది. 

--బాలాజీ(మాగల్ఫ్ ప్రతినిధి,షార్జా)