ఆసియాలోని టాప్‌-10 బీచ్‌ల్లో భారత్‌కు చెందిన మూడు బీచ్‌లకు స్థానం లభించింది. ప్రముఖ ట్రావెల్‌ వెబ్‌సైట్‌ నిర్వహించిన సర్వేలో ఈ విషయం వెల్లడైంది. వీటిలో రెండు బీచ్‌లు గోవాలోనే ఉండటం గమనార్హం. గోవాలోని అగోండా, పలోలెం సహా అండమాన్‌లోని హేవ్‌లాక్‌ ఐలాండ్‌ వద్ద ఉన్న రాధానగర్‌ బీచ్‌లు టాప్‌-10లో చోటు సాధించాయి. 'విశాలమైన బీచ్‌లకు భారత్‌ నెలవు. పలు బీచ్‌లు అంతర్జాతీయంగా పేరొందాయి. 12 నెలల పాటు వివిధ యాత్రికుల అభిప్రాయాలను క్రోడీకరించి బీచ్‌లను ఎంపిక చేశాం' అని ట్రిప్‌ అడ్వైజర్‌ ఇండియా మేనేజర్‌ నికిల్‌ గంజూ తెలిపారు. ఈ ఏడాది ఆసియా, ఆఫ్రికా, ఆస్ట్రేలియా, కరీబియన్‌, అమెరికా, యూరప్‌, సౌత్‌ అమెరికా, లండన్‌లలో 343 బీచ్‌లు అవార్డులకు ఎంపికయ్యాయి.