బహ్రెయిన్:బహ్రెయిన్ లో జౌలోని జైలు ఖైదీలకు కోవిడ్ వైరస్ సోకినట్లు రిఫార్మేషన్ అండ్ రిహాబిటేషన్ డైరెక్టరేట్ కార్యాలయం వెల్లడించింది. ఖైదీల్లో ఒక్కరికి కోవిడ్ సోకినట్లు నిర్ధారణ అయ్యిందని, ఆ వెంటనే ఆ ఖైదీతో పాటు ఉన్న మిగిలిన ఖైదీలకు కూడా కోవిడ్ టెస్టులు నిర్వహించామని అధికారులు వివరించారు. దీంతో మరో ఇద్దరికి కూడా వైరస్ వ్యాపించినట్లు నిర్ధారణ అయ్యిందన్నారు. వెంటనే వారిని క్వారంటైన్లో పెట్టామని, వారు ఉన్న జైలు గదిలో క్రిమిసంహారక చర్యలు చేపట్టామన్నారు. వైరస్ బారిన పడిన వారు కోలుకునేందుకు అవసరమైన అన్ని వైద్య సహాయ చర్యలు తీసుకుంటున్నాని తెలిపారు.