కువైట్ సిటీ:కోవిడ్ వ్యాప్తి నియంత్రణ చర్యల్లో భాగంగా విదేశీయుల రాకపై నిషేధాన్ని కొనసాగిస్తున్నట్లు కువైట్ వెల్లడించింది.ఈ మేరకు ట్రావెల్ బ్యాన్ తీర్మానాన్ని కువైట్ మంత్రివర్గం ఆమోదించింది. తదుపరి ఆదేశాలు వచ్చేవరకు విదేశీయులకు కువైట్ వచ్చేందుకు అనుమతి లేదని స్పష్టం చేసింది. అయితే కొన్ని వర్గాలకు మాత్రం మినహాయింపు ఇచ్చింది. వైద్య సిబ్బంది.. వారి కుటుంబ సభ్యులు, దౌత్యవేత్తలు, గృహ కార్మికులు కోవిడ్ ప్రోటోకాల్ పాటిస్తూ కువైట్ కి యధావిధిగా ప్రయాణించవచ్చు.