న్యూ ఢిల్లీ:భారత్ లో కరోనా మహమ్మారి విజృంభిస్తోంది.కేసులు రికార్డ్ స్థాయిలో నమోదవుతున్నాయి.తాజాగా కేంద్రం కరోనా బులెటిన్ ను విడుదల చేసింది.ఈ బులెటిన్ ప్రకారం దేశంలో కొత్తగా 93,249 కేసులు నమోదయ్యాయి.దీంతో భారత్ లో ఇప్పటి వరకు నమోదైన మొత్తం కరోనా కేసుల సంఖ్య 1,24,85,509కి చేరింది.ఇందులో 1,16,29,289 మంది కోలుకొని డిశ్చార్జ్ కాగా, 6,91,597 కేసులు యాక్టివ్ గా ఉన్నాయి.ఇక గడిచిన 24 గంటల్లో భారత్ లో 513 మంది కరోనాతో మృతి చెందారు.దీంతో భారత్లో ఇప్పటివరకు మృతి చెందినవారి సంఖ్య 1,64,623కి చేరింది.ఇక గడిచిన 24 గంటల్లో భారత్ లో 60,048 మంది కోలుకొని డిశ్చార్జ్ అయ్యారు.భారత్లో వ్యాక్సినేషన్ ప్రక్రియ వేగంగా కొనసాగుతోంది.ఇప్పటి వరకు మొత్తం 7,59,79,651 మందికి వ్యాక్సిన్ అందించారు.