హైదరాబాద్:తెలంగాణలో కరోనా కేసులు రోజు రోజుకు పెరుగుతున్నాయి.అయితే.. నిన్నటి కంటే ఇవాళ కాస్త తగ్గాయి కరోనా కేసులు.తాజాగా ప్రభుత్వం కరోనా బులెటిన్ ను విడుదల  చేసింది.ఈ బులెటిన్ ప్రకారం రాష్ట్రంలో కొత్తగా 1097 కరోనా కేసులు నమోదయ్యాయి.దీంతో తెలంగాణలో ఇప్పటి వరకు నమోదైన మొత్తం కరోనా కేసుల సంఖ్య 3,13,237కి చేరింది.  ఇందులో 3,02,768 మంది కోలుకొని డిశ్చార్జ్ కాగా, 8,746 కేసులు యాక్టివ్ గా ఉన్నాయి.కరోనా బులెటిన్ ప్రకారం రాష్ట్రంలో ఆరుగురు కరోనాతో మృతి చెందారు.దీంతో రాష్ట్రంలో ఇప్పటి వరకు నమోదైన మొత్తం కరోనా మరణాల సంఖ్య 1723కి చేరింది.కరోనా బులెటిన్ ప్రకారం నిన్నటి రోజున 268 మంది కోలుకొని డిశ్చార్జ్ అయ్యారు.  

--హరి(మాగల్ఫ్ ప్రతినిధి,తెలంగాణ)