ఖతార్: కోవిడ్ 19 వ్యాక్సిన్ పొందేందుకు హెల్త్ కార్డు తాత్కాలికంగా అవసరం లేదని మినిస్ట్రీ ఆఫ్ పబ్లిక్ హెల్త్ వెల్లడించింది. ఈ మేరకు ట్విట్టర్ ద్వారా మినిస్ట్రీ ఆఫ్ పబ్లిక్ హెల్త్ ఓ ప్రకటన విడుదల చేసింది. ఇకపై హెల్త్ కార్డు లేకుండానే వ్యాక్సినేషన్ పొందవచ్చునని తెలిపింది. వ్యాక్సినేషన్ కోసం వెళ్ళే సమయంలో చెల్లుబాటయ్యే క్యూఐడీ అలాగే, ఎహ్తెరాజ్ స్టేటజ్ గ్రీన్ పొంది వుండాలి. ప్రభుత్వ సంబంధిత హెల్త్ కేర్ సౌకర్యాలు పొందడానికి మాత్రం హెల్త్ కార్డు తప్పనిసరి.

--రాజ్ కుమార్ వనంబత్తిన(మాగల్ఫ్ ప్రతినిధి,ఖతార్)