కువైట్: రోజుకు ల‌క్ష‌ల్లో కోవిడ్ కేసులు న‌మోద‌వుతున్న నేప‌థ్యంలో భార‌త్ కు బాస‌ట‌గా నిల‌వాల‌ని కువైట్ తీర్మానించింది. కోవిడ్ కొత్త వేరియంట్ వైర‌స్ తో అల్లాడుతున్న ప్ర‌జ‌ల‌కు త‌మ వంతు సాయంగా ఆక్సిజ‌న్ సిలిండ‌ర్ల‌ను పంపించాల‌ని కువైట్ మంత్రిమండ‌లి నిర్ణ‌యించింది. కోవిడ్ కేసులు విప‌రీతంగా పెర‌గటం..ఆస్ప‌త్రుల్లో ఆక్సిజ‌న్ నిల్వ‌లు నిండుకోవ‌టంతో చాలా మంది ప్రాణాలు కొల్పోతున్న విష‌యం తెలిసిందే. ఆస్ప‌త్రిలో నెల‌కొన్న ప‌రిస్థితులు చూస్తే ఆందోళ‌న‌క‌ర వాతావ‌ర‌ణం నెల‌కొంది. దీనిపై చ‌లించిన కువైట్ మంత్రి మండ‌లి ఆక్సిజ‌న్ సిలిండ‌ర్ ల‌ను పంప‌టం ద్వారా భార‌త్ కు మ‌ద్ద‌తుగా నిల‌బ‌డాల‌ని తీర్మానించింది. కువైట్‌-భార‌త్ మ‌ధ్య స్నేహ‌న్ని మ‌రింత బ‌ల‌ప‌ర్చుకునేలా ఈ నిర్ణ‌యం తీసుకున్న‌ట్లు వెల్ల‌డించింది. కోవిడ్ ఫ‌స్ట్ వేవ్ స‌మ‌యంలో, వ్యాక్సిన్ విష‌యంలోనూ భార‌త్ త‌మకు మ‌ద్ద‌తుగా నిల‌బ‌డిన విష‌యాన్ని గుర్తు చేసుకుంది.