కువైట్: కువైట్ మినిస్ట్రీ ఆఫ్ హెల్త్, కరోనా చికిత్స కోసం జిఎస్‌కె మరియు విర్ బయోటెక్నాలజీ రూపొందించిన సోట్రోవిమాబ్ వినియోగానికి ఆమోదం తెలిపింది. మిడిల్ ఈస్ట్‌లో దీన్ని ఆమోదించిన రెండో దేశం కువైట్. ఇది యాంటీబాడీ చికిత్స అని అధికారులు తెలిపారు. స్వల్ప, మధ్యస్థ తీవ్రత వున్న కరోనా రోగులకు ఈ వైద్య చికిత్సను అందిస్తారు. కాగా, కువైట్ 40 మిలియన్ డాలర్లను కోవాక్స్ డొనేషన్‌లో భాగంగా ప్రకటించింది. అభివృద్ధి చెందుతున్న దేశాల కోసం ఈ మొత్తాన్ని వినియోగిస్తారు. కాగా, సోట్రోవిమాబ్ మెడిసిన్, 12 ఏళ్ళు ఆ పైబడిన వయసున్న వారికి వినియోగించవచ్చు. 60 ఏళ్ళు పైబడిన వయసున్నవారికి కూడా దీన్ని వాడొచ్చుగానీ, ఆసుపత్రిలో చేరాల్సిన స్థితిలో వున్నవారికి రికమండ్ చేయడంలేదు. ఈ మందు వాడటం ద్వారా 85 శాతం మరణాలు తగ్గించవచ్చునని క్లినికల్ పరీక్షల్లో తేలింది.