కువైట్: కువైట్ లో ఇల్లీగల్ పద్ధతుల్లో రెసిడెన్సీ అడ్రస్ లో మార్పులు చేస్తున్న ముఠా నెట్ వర్క్ ను యాంటీ-మనీ లాండరింగ్ క్రైమ్స్ డిపార్ట్‌ మెంట్ ఛేదించింది. ఈ ముఠా రెసిడెన్సీ అడ్రస్ లో చట్టవిరుద్ధంగా మార్పులు చేస్తున్నారని అధికారులు తెలిపారు. అరెస్టయిన వారిలో ప్రభుత్వ ఉద్యోగి కూడా ఉన్నాడని, ఆయన మధ్యవర్తులు క్లయింట్ల నుండి ప్రతి ట్రాన్స్ సాక్షన్ కు KD 120 వరకు వసూలు చేసినట్లు పేర్కొన్నారు. నిందితుడు అనేక పద్ధతుల్లో లంచాలు వసూలు చేశాడని తెలిపారు. అవినీతిని అసలు సహించమని, అధికార దుర్వినియోగానికి పాల్పడే వారిపై కఠిన చర్యలు తీసుకుంటామని క్రైమ్స్ డిపార్ట్‌ మెంట్ హెచ్చరించింది.