దుబాయ్: కోవిడ్ ఆంక్షల సడలింపుల నేపథ్యంలో ఇక బహ్రెయిన్ కు రెగ్యూలర్ విమాన సర్వీసును అందుబాటులోకి తీసుకొస్తున్నట్లు దుబాయ్ క్యారియర్ ఎమిరేట్స్ ఎయిర్ లైన్స్ వెల్లడించింది. జూన్ మాసంలో ప్రతి రోజు A380 విమానాన్ని బహ్రెయిన్ కు నడపనున్నట్లు తెలిపింది. ఈ డబల్ డెక్కర్ ఫ్లైట్లో మొత్తం 507 సీట్లు అందుబాటులోకి వస్తాయి. ఎకానమీలో 417, ఫ్లాట్ బెడ్ సీట్లు ఉన్న 76 బిజినెస్‌ క్లాస్, 14 ఫస్ట్ క్లాస్ సూట్లు A380లో ఉంటాయి. ఇదిలాఉంటే బహ్రెయినీలకు స్పెషల్ ప్రైజ్ పేరుతో దుబాయ్, ఇస్తాంబుల్, మాల్దీవులతో పాటు ప్రముఖ ప్రాంతాలకు ఆఫర్లను ప్రకటించింది ఎమిరాతి ఎయిర్లైన్స్.