ఖతార్: క్రమంగా కోవిడ్ 19 నిబంధనల్ని సడలిస్తూ ప్రభుత్వం తీసుకుంటున్న నిర్ణయాలు ఆర్థిక రంగం వేగంగా కోలుకోవడానికి ఉపకరిస్తాయని నిపుణులు అభిప్రాయపడుతున్నారు. వ్యాక్సినేషన్ పొందిన జీసీసీ ప్రాంతీయులకి క్వారంటైన్ అవసరం లేకుండా ఖతార్ వచ్చేందుకు వీలుగా నిర్ణయాలు తీసుకోవడం ఖతార్ రిటెయిల్ ఫుడ్ మరియు బెవరేజ్ సెక్టార్ వేగంగా వృద్ధి చెందడానికి ఆస్కారం కలిపిస్తాయి. నాలుగు ఫేజుల్లో రీ-ఓపెనింగ్ మొదలు కానుంది. మే 28 నుంచి ఇది అమల్లోకి వస్తుంది. మాల్ ఆఫ్ ఖతార్ జనరల్ మేనేజర్ ఎమిలీ సార్కిస్ మాట్లాడుతూ, ఖతార్ వ్యాక్సినేషన్ ప్రోగ్రామ్, ఆర్థిక రంగం కోలుకోవడానికి ఉపకరిస్తుందని అన్నారు. మినిస్ట్రీ ఆఫ్ పబ్లిక్ హెల్త్ తీసుకున్న తాజా నిర్ణయాల ప్రకారం జిసిసి పౌరులు వ్యాక్సినేషన్ తీసుకున్నట్లయితే, అలా వ్యాక్సిన్ తీసుకున్న 14 రోజుల తర్వాత వారికి ఎలాంటి క్వారంటైన్ అవసరం వుండదు ఖతార్ రావడానికి. గడచిన తొమ్మిది నెలల్లో కరోనా బారిన పడి, ఆ తర్వాత ఒక డోసు వ్యాక్సిన్ తీసుకున్నవారికి కూడా ఇదే వర్తిస్తుంది. అలాంటి వారు పిసిఆర్ నెగెటివ్ టెస్ట్ తమతో తీసుకురావాలి. ఎహ్తెరాజ్ యాప్ ద్వారా తమ ఇమ్యునిటీ స్టేటస్ వినియోగదారులు మాల్స్ ప్రవేశం వద్ద చూపించాల్సి వుంటుంది.