కువైట్: కోవిడ్ వ్యాప్తి నియంత్రణకు కర్ఫ్యూ విధించే యోచన చేయటం లేదని కువైట్ స్పష్టం చేసింది. ప్రస్తుత పరిస్థితుల్లో దేశంలో పూర్తి కర్ఫ్యూ విధించబోమని మంత్రివర్గం నుంచి అందుతున్న సమాచారం. అదే సమయంలో పాక్షిక కర్ఫ్యూ వైపు కూడా ఆలోచించటం లేదని సూచనప్రాయంగా తెలుస్తోంది. అయితే..కోవిడ్ వ్యాప్తిని అడ్డుకునేందుకు మాత్రం ప్రత్యామ్నాయ మార్గాలను అవలంభించే అవకాశాలు ఉన్నాయి. కర్ఫ్యూ విధించకుండానే కొన్ని కఠిన నిబంధనలు అమలు చేస్తూ వైరస్ విస్తృతికి అడ్డుకట్ట వేయాలనే యోచనలో ఉంది. ఇదిలాఉంటే కువైట్లో కోవిడ్ తీవ్రత కొద్దిమేర తగ్గుముఖం పట్టడం ఊరట కలిగిస్తోంది. గడిచిన 24 గంటల్లో దేశవ్యాప్తంగా 1,585 కోత్త కేసులు నమోదయ్యాయి. కోవిడ్ తో పది మంది మృతి చెందారు.