దుబాయ్: దుబాయ్ సివిల్ డిఫెన్స్ బృందాలు, ఓ ఇంట్లో అగ్ని ప్రమాదం సంభవించడంతో అందులోని 12మందిని రక్షించడం జరిగింది. ఎలక్ట్రిక్ షార్ట్ సర్క్యూట్ కారణంగా అగ్ని ప్రమాదం జరిగినట్లు గుర్తించారు. అల్ లిసైలి ప్రాంతంలో ఈ ఘటన జరిగింది. ఈ ఘటనలో ఎవరికీ ఎలాంటి ప్రాణాపాయం కలగలేదు. స్వల్ప ఆస్తి నష్టం సంభవించింది. ఘటనపై సమాచారం అందిన ఏడు నిమిషాల్లోనే సంఘటనా స్థలానికి ఫైర్ ఫైటింగ్ బృందాలు చేరుకుని, పరిస్థితిని అదుపులోకి తీసుకురావడం జరిగింది.