కువైట్: వందలాది మంది వలసదారులు ఒకటి కంటే, ఎక్కువగా 50 కార్లకు పైగా కలిగి ఉన్నారనీ, వారిలో చాలా మంది కొనడం,అమ్మడం, లైసెన్సు లేకుండా అద్దెకివ్వడం వంటివి చేస్తున్నట్లు గుర్తించామని అధికార వర్గాలు వెల్లడించాయి. కొందరు నెలవారీ ప్రాతిపదికన కార్లను అద్దెకు ఇస్తున్నట్లు గుర్తించారు.అనుమతి లేకుండా చేస్తున్న ఇలాంటి పనుల వల్ల ప్రభుత్వ ఖజానాకి నష్టం వాటిల్లుతోంది.వాహనాల్ని అద్దెకు ఇవ్వాలన్నా, విక్రయించాలన్నా దానికి సంబంధించి లైసెన్సు ఫీజుల్ని చెల్లించాల్సి ఉంటుంది. కాగా, ఈ పరిస్థితికి ఫుల్ స్టాప్ పెట్టేందు కోసం జనరల్ ట్రాఫిక్ డిపార్టుమెంట్ కీలక నిర్ణయం తీసుకుంటుంది. వలసదారులు కలిగి ఉండే కార్లపై పరిమితి విధించనున్నారు. పరిమితి దాటిన తర్వాత కార్లను వలసదారులు సొంతం చేసుకోవడానికి అదనపు రుసుములు చెల్లించాల్సి ఉంటుంది.