యూఏఈ: ప్రపంచ ఆరోగ్య సంస్థ ఆమోదించిన వ్యాక్సిన్లకు సంబంధించి రెండు డోసుల్ని పొందిన వారికి యూఏఈలో ప్రవేశానికి అనుమతిస్తారు. యూఏఈకి ప్రయాణంపై ఆంక్షలున్న దేశాలకు చెందినవారికి కూడా ఇది వర్తిస్తుంది. వీసా టూరిస్ట్ వీసా మీద వచ్చేవారికి వ్యాక్సిన్ డోసులు తీసుకుని వుంటే సరిపోతుంది. ఆగస్ట్ 30 నుంచి ఈ కొత్త డైరెక్టివ్ అమల్లోకి వస్తుంది. తప్పనిసరి ర్యాపిడ్ పీసీఆర్ టెస్ట్ చేయించుకోవాల్సి వుంటుంది. వ్యాక్సిన్ పొందనివారికి గతంలో వున్నట్లే షరతులు వర్తిస్తాయి. టూరిస్టు వీసాలు కలిగినవారు ఐసిఎ వెబ్‌సైట్ లేదా అల్ హోస్న్ యాప్ ద్వారా తమ వ్యాక్సిన్ సర్టిఫికెట్లను రిజిస్టర్ చేసుకోవచ్చు.