ఒమన్: స్కూల్ స్టూడెంట్స్, స్టాఫ్ కి కోవిడ్ సెకండ్ వ్యాక్సినేషన్ నుంచి తప్పించినట్లు, వారిని అపాయింట్మెంట్ ప్రక్రియ నుంచి మినహాయించినట్లు వస్తున్న పుకార్లను ఒమన్ కొట్టిపారేసింది. స్టూడెంట్స్, స్టాఫ్ వ్యాక్సిన్ విషయంలో ఎలాంటి మార్పులు, మినహాయింపులు చేయటలేదని ఆరోగ్య మంత్రిత్వ శాఖ వెల్లడించింది. వారిని అపాయింట్మెంట్ ప్రక్రియ నుంచి తప్పించినట్లు వచ్చిన పుకార్లను నమ్మవద్దని స్పష్టం చేసింది. ఇలాంటి అసత్య ప్రచారాలు చేసే వారిపై చర్యలు తీసుకుంటామని హెచ్చరించింది. ప్రజలు అధికారిక వర్గాల నుంచి వెలువడే సమాచారాన్ని మాత్రమే విశ్వసించాలని కూడా ఆరోగ్య మంత్రిత్వ శాఖ సూచించింది.