కువైట్: ట్రాఫిక్ నిబంధనలు ఉల్లంఘిస్తున్న వారిపై కువైట్ జనరల్  ట్రాఫిక్ డిపార్ట్ మెంట్  అధికారులు కొరడా ఝుళిపించారు. ఇటీవల ట్రాఫిక్ వాయలేషన్స్ అతిగా జరుగుతుండటంతో ట్రాఫిక్ అధికారులు ప్రత్యేక దృష్టి పెట్టారు. రెండు రోజులుగా వాహనాల తనిఖీలు స్టార్ట్ చేశారు. ఈ తనిఖీల్లో దాదాపు 3506 మంది ట్రాఫిక్ వాయిలేషన్స్ కు పాల్పడినట్లు గుర్తించారు. వారికి నోటీసులు ఇచ్చారు. కొంతమందిని అరెస్ట్ చేశారు. 19 వాహనాలు జప్తు చేశారని అల్ అంబా పత్రిక రిపోర్ట్ లో తెలిపింది. 27 మంది జువైనల్స్ ను కూడా అదుపులోకి తీసుకున్నారు. నిబంధనలు ఉల్లంఘించి జువైనల్స్  వాహనాలు నడుపుతున్నట్లు అధికారులు తెలిపారు. వారందరినీ జువైనల్ హోమ్స్ కు తరలించారు. ట్రాఫిక్ నిబంధనలు విషయంలో కఠినంగా ఉంటామని ఈ సందర్భంగా అధికారులు ప్రకటించారు.