యూఏఈ: 15 ఏళ్ళ పైబడిన యువకులు కొత్త యూఏఈ లేబర్ చట్టాల ద్వారా ఉపాధి, ఉద్యోగావకాశాలు పొందేందుకు వీలు కలుగుతోంది. ఫెడరల్ డిక్రీ చట్టం నెంబర్ 33 ఆఫ్ 2021 ప్రకారం, 15 ఏళ్ళు ఆ పై వయసున్న యువకులు తమ గార్డియన్స్ అనుమతి అలాగే మెడికల్ ఫిట్నెస్ సర్టిఫికెట్ పొందుపరచి, ఉపాధి అలాగే ఉద్యోగావకాశాలు వెతుక్కోవచ్చు. అయితే, ఆరు గంటల కంటే ఎక్కువ సమయం ఈ కేటగిరీకి చెందిన యువకులతో పని చేయించకూడదు. రోజులో కనీసం గంటపాటు వర్క్ బ్రేక్ వుండాలి. నాలుగు గంటలు ఏకధాటిగా పని చేయకూడదు. రాత్రి 7 నుంచి ఉదయం 7 గంటల వరకు వర్క్ షిప్టులు వుండకూడదు. ప్రమాదకరమైన పనుల్లో వీరిని వినియోగించరాదు. వారాంతాలు, పబ్లిక్ హాలీడేస్ సమయాల్లో వీరితో ఓవర్ టైమ్ పని చేయించకూడదు.