రియాద్: కోవిడ్ 19 నియంత్రణ నేపథ్యంలో, మినిస్టర్ ఆఫ్ హెల్త్ ఫహాద్ అల్ జలాజెల్ నేతృత్వంలో  కీలక సమావేశం జరిగింది. కోవిడ్ నియంత్రణ నిమిత్తం తీసుకోవాల్సిన జాగ్రత్తల విషయమై ఈ కమిటీ 28వ సారి భేటీ నిర్వహించింది. 25 ప్రభుత్వ శాఖలు ఈ సమావేశంలో పాల్గొన్నాయి. ఒమిక్రాన్ కోవిడ్ 19 వేరియంట్‌పై ఈ సమావేశంలో చర్చించారు. ఫిబ్రవరి 1 నాటికి 18 ఏళ్ళు పైబడిన అందరికీ పూర్తిస్థాయి వ్యాక్సినేషన్‌తోపాటుగా బూస్టర్ డోస్ కూడా ఇవ్వాల్సి వుంటుందని అభిప్రాయపడ్డారు సమావేశంలో. తవకల్నా యాప్ ద్వారా గ్రీన్ స్టేటస్ అందరికీ వచ్చేలా చేయాలి. సాధారణ, ఆర్థిక కార్యకలాపాలు, కల్చరల్ అలాగే స్పోర్ట్స్ మరియు పర్యాటక కార్యకలాపాల విషయంలో కూడా వ్యాక్సినేషన్ సర్టిఫికెట్ తప్పనిసరి చేస్తారు.