కువైట్: డ్రైవింగ్ లైసెన్స్ రెన్యువల్ కు అంతర్గత మంత్రిత్వ శాఖ కొత్త నిబంధనలు, షరతులను విధించింది. ఈ మేరకు ఇంటీరియర్ మంత్రి షేక్ థామెర్ అల్-అలీ ట్రాఫిక్ యాక్ట్ 1976/81లో కొన్ని నిబంధనలను సవరిస్తూ ఉత్తర్వులు జారీ చేశారు. కొత్త నిబంధనల ప్రకారం.. డ్రైవింగ్ లైసెన్స్ ల రెన్యువల్ కోసం దరఖాస్తు గడువు ముగిసే 30 రోజులలోపు నిర్దేశిత ఫార్మాట్ లో అప్లై చేసుకోవాల్సి ఉంటుంది. గుర్తింపు కార్డు, రెసిడెన్సీ, ట్రాఫిక్ చలానా చెల్లింపు ధృవీకరణ పత్రం దరఖాస్తుతో పాటు జతచేయాలి. కువైటీలు కానివారు తప్పనిసరిగా రెసిడెన్సీ రుజువును ఫారమ్‌తో పాటు సమర్పించాల్సి ఉంటుంది.