సౌదీ అరేబియా: సౌదీ అరేబియా ఉత్తర ప్రాంతాల్లోని ప్రజలు శీతాకాలం కోసం సర్వసన్నద్ధంగా వున్నారు. చల్లటి వాతావరణానికి తట్టుకునేందుకు స్వెటర్లు, థర్మల్స్ వంటివాటిని సిద్ధం చేసుకున్నారు. కొన్ని గవర్నరేట్లలో ఎముకలు కొరికే చలి వుండబోతోంది రానున్న రోజుల్లో. అల్ కురాయత్ గవర్నరేట్, తురైఫ్ ప్రాంతాల్లో అత్యల్ప ఉష్ణోగ్రతలు నమోదయ్యాయి. ఇక్కడ ఒక డిగ్రీ కంటే దిగువన ఉష్ణోగ్రతలు నమోదవుతున్నాయి. తుబుక్ ప్రాంతంలో మూడు డిగ్రీలకు దిగువన ఉష్ణోగ్రతలు రికార్డయ్యాయి. మక్కా, రియాద్, అల్ మహా, అసిర్, అల్ కాసిమ్, ఈస్టర్న్ ప్రావిన్స్, తబుక్, నార్తరన్ బోర్డర్ ప్రాంతం, అల్ జైఫ్ మరియు హయిల్ ప్రాంతాల్లో వర్షంతో కూడిన చలికాలం కనిపిస్తోంది.