బహ్రెయిన్: ఈ-ట్రాఫిక్ యాప్ లో కొత్త ఫీచర్లు అందుబాటులోకి వచ్చాయి. బహ్రెయిన్ ఇ-ట్రాఫిక్ స్మార్ట్‌ఫోన్ యాప్ ద్వారా ఎలక్ట్రానిక్ డ్రైవింగ్ లైసెన్స్, కార్ ఓనర్‌షిప్ కార్డ్‌లను అందించనుంది. కస్టమ్స్ వ్యవహారాల సహకారంతో కింగ్ ఫహద్ కాజ్‌వే ద్వారా మరొక డ్రైవర్ ద్వారా ప్రయాణించడానికి కారు ఓనర్ ఇ-పర్మిట్ జారీ చేసే సదుపాయాన్ని కల్పించారు. సమాచార, ఈ-గవర్నమెంట్ అథారిటీ సహకారంతో ఈ సేవలు అందుబటులోకి తీసుకొచ్చారు. డిజిటల్ డ్రైవింగ్ లైసెన్స్, కార్ ఓనర్‌షిప్ కార్డ్ లైసెన్స్, కార్డ్ హార్డ్ కాపీని యాప్ ద్వారానే పొందవచ్చు. గతంలో ID కాపీ, వాహనం యొక్క ఓనర్ కార్డుతోపాటు వ్రాతపూర్వక అనుమతి పత్రాలను వెంట ఉంచుకోవల్సి ఉండేది. కొత్త సర్వీస్ తో కారు యజమానులు ఎలక్ట్రానిక్‌గా పర్మిట్‌లను జారీ చేయడానికి లేదా రద్దు చేయడం సులువు అవుతుంది.