సౌదీ అరేబియా: దేశంలోకి చొరబాటుకు పాల్పడే వారికి ఆశ్రయం కల్పించడం లేదా సహాయం చేసినా భారీ జరిమానాలు విధించబడతాయని పబ్లిక్ ప్రాసిక్యూషన్ హెచ్చరించింది. SR1 మిలియన్ వరకు జరిమానా, 5 నుండి 15 సంవత్సరాల మధ్య జైలు శిక్షలు వేసే అవకాశం ఉందని చెప్పింది. అలాగే చొరబాటుదారునికి ఆశ్రయం కల్పించిన ఇంటిని కూడా జప్తు చేస్తారని వార్నింగ్ ఇచ్చింది. వాహనం లేదా వసతి కల్పించిన ఇల్లు ఇతరులకు చెందినట్లయితే, అదనంగా మరో SR1 మిలియన్ జరిమానా విధించబడుతుందని తెలిపింది. చొరబాటు నేరమని, ఇది దేశ ఆర్థిక, ఆరోగ్య రంగాల భద్రతకు ముప్పు కలిగిస్తుందని పబ్లిక్ ప్రాసిక్యూషన్ పేర్కొంది.