దోహా: మినిస్ట్రీ ఆఫ్ ట్రాన్స్‌పోర్ట్, యవసలాట్ మరియు ఖతార్ ఫౌండేషన్‌తో కలిసి అటానమస్ మినీ బస్‌ని ఖతార్ ఫౌండేషన్ క్యాంపస్‌లో పరీక్షించడం జరిగింది.సెల్ఫ్ డ్రైవింగ్ వాహనం టెస్టింగ్ ద్వారా మొబిలిటీ మరియు ట్రాన్స్‌పోర్ట్ సేవల్ని ఖతార్‌లో మరింత మెరుగ్గా అందించేందుకు వీలుకలగనుంది. జనవరి 2 నుంచి పది రోజులపాటు ఈ పరీక్షలు జరుగుతాయి. ఖతార్ నేషనల్ లైబ్రరీ మెట్రో స్టేషన్, కారి్నజీ మెల్లన్ యూనివర్సిటీ, టెక్సాస్ ఎ మరియు ఎం యూనివర్సిటీ, ఖతార్ నేషనల్ లైబ్రరీ మరియు నార్త్ వెస్టర్న్ యూనివర్సిటీ ప్రాంతాల్లో ఎంపిక చేసిన మార్గాల్లో ఈ బస్సు నడిపేందుకు సన్నాహాలు చేస్తున్నారు. గంటకు 25 కిలోమీటర్ల వేగంతో 3.2 కిలోమీటర్ల దూరాన్ని డ్రైవర్ లేకుండా, ప్రయాణీకులు లేకుండా వాహనం నడుస్తుంది. లిడార్లు, రాడార్లు, అత్యాధునిక సాంకేతిక పరిజ్ఞానాన్ని వినియోగించి ఈ వాహనాన్ని తయారు చేశారు.