యూఏఈ: యూఏఈ గోల్డెన్ వీసా కలిగినవారికి డ్రైవింగ్ క్లాసులు లేకుండానే దుబాయ్ డ్రైవింగ్ లైసెన్స్ లభించనుందని రోడ్స్ మరియు ట్రాన్స్‌పోర్ట్ అథారిటీ పేర్కొంది. ఏ దేశస్తులు లైసెన్స్ కోరుతున్నారో, ఆయా దేశాల్లోని తమ లైసెన్సుని ఇందుకోసం సమర్పించాల్సి వుంటుంది. వీటితోపాటుగా ఒరిజినల్ ఎమిరేట్స్ ఐడీ, చెల్లుబాటయ్యే డ్రైవింగ్ లైసెన్స్ కాపీ, నాలెడ్జ్ టెస్ట్ మరియు రోడ్ టెస్ట్ రిజల్ట్ వివరాల్ని సమర్పించాల్సి వుంటుంది. యూఏఈ, ఎక్కువ కాలం యూఏఈలో నివసించేందుకు వీలుగా విదేశీయులకు గోల్డెన్ వీసా సౌకర్యాన్ని కల్పిస్తోంది. స్పాన్సర్ లేకుండానే యూఏఈలో తమ వ్యాపారాల్ని వీరు నిర్వహించుకోవచ్చు. ఈ వీసాలు 5 మరియు పదేళ్ళకుగాను మంజూరు చేస్తారు. నవంబర్ నాటికి 44,000 మంది గోల్డెన్ వీసాల్ని పొందారు.