సౌదీ: ప్రవాసుల నివాస అనుమతి (ఇఖామా), ఎగ్జిట్, రీఎంట్రీ వీసాల చెల్లుబాటు గడువును జనవరి 31 తర్వాత మరో 10 రోజులపాటు పొడిగిస్తూ సౌదీ అరేబియా ఉత్తర్వులు జారీ చేసింది. కరోనావైరస్ వ్యాప్తి కారణంగా ప్రయాణాన్ని తాత్కాలికంగా నిలిపివేసిన దేశాల నుండి వచ్చిన సందర్శకులకు ఇది వర్తిస్తుంది. అయితే, వారు బయలుదేరే ముందు సౌదీ అరేబియా నుండి రెండు డోసుల కరోనావైరస్ వ్యాక్సిన్ పొందిన ప్రవాసులకు ఈ పొడిగింపు నుండి మినహాయింపు ఉందని జనరల్ డైరెక్టరేట్ ఆఫ్ పాస్‌పోర్ట్స్ (జవాజాత్) తెలిపింది. ఎగ్జిట్,రీఎంట్రీ వీసా చెల్లుబాటు అటోమెటిక్ గా జరుగుతుందని, జవాజత్ విభాగాలను సంప్రదించాల్సిన అవసరం లేదని జవాజాత్ పేర్కొంది. ప్రయాణ నిషేధం ఎదుర్కొంటున్న దేశాల నుండి వారు ప్రస్తుతం దేశానికి వెలుపల ఉన్నట్లయితే వారి విజిట్ వీసాల చెల్లుబాటును విదేశాంగ మంత్రిత్వ శాఖ అటోమెటిక్ గా జనవరి 31 తర్వాత 10 రోజుల వరకు పొడిగిస్తుందని జవాజాత్ పేర్కొంది. ఎగ్జిట్, రీఎంట్రీ వీసాల వ్యవధి 60, 90, 120 రోజులలో పేర్కొన్నట్లయితే, జారీ చేసిన తేదీ నుండి ప్రయాణానికి మూడు నెలల పాటు(వీసా జారీ చేసిన తేదీ నుండి) చెల్లుబాటులో ఉంటుంది.