సౌదీ: విదేశాలకు వెళ్లే పౌరులకు బూస్టర్ డోస్ తప్పనిసరి అని సౌదీ అరేబియా స్పష్టం చేసింది. ఈ మేరకు జనరల్ అథారిటీ ఆఫ్ సివిల్ ఏవియేషన్ (GACA) సర్క్యులర్ జారీ చేసింది. సౌదీలోని ప్రైవేట్ ఏవియేషన్‌తో సహా అన్ని విమానయాన సంస్థలు కొత్త నిబంధనలను అప్డేట్ చేయాలని ఆదేశించింది. ఇప్పటికే విదేశాలకు పోయిన పౌరులను మినహాయించి, రెండవ డోస్ తీసుకొని మూడు నెలలు గడిచిన వారు COVID-19 వ్యాక్సిన్ మూడవ బూస్టర్ డోస్‌ని పొందారని నిర్ధారించుకోవాలని సర్క్యులర్ లో నిర్దేశించారు. 16 సంవత్సరాల కంటే తక్కువ వయస్సు ఉన్నవారు లేదా మినహాయింపు వర్గాలకు ఈ నిబంధన నుంచి మినహాయింపు ఇచ్చారు.