కువైట్: కువైట్ 61వ జాతీయ దినోత్సవం, ఇరాకీ దండయాత్ర నుండి 31వ విముక్తి దినం జరుపుకునేందుకు సిద్ధమవుతోంది. ఈ సందర్భాన్ని పురస్కరించుకొని కువైట్ లోని వారసత్వ/చారిత్రక కట్టడాలను రంగురంగుల దీపాలతో అలకరించారు. వీధులన్నీ జాతీయ జెండాలతో రెపరెపలాడుతున్నాయి. కువైటీల ముఖల్లో సంతోషం వ్యక్తం అవుతోంది. కువైట్‌లోని పురాతన వారసత్వ ప్రాంతాలలో ఒకటైన అల్-ముబారకియా మార్కెట్.. జాతీయ జెండా రంగులతో వెలిగిపోతోంది. మార్కెట్ లోని దుకాణాలు కువైట్ జెండా యొక్క రంగులతో అలంకరించారు. కువైట్ వారసత్వాన్ని తెలిపే జానపద దుస్తులతో హోర్డింగ్ లు ఏర్పాటు చేశారు. కువైట్ చరిత్రను తెలియజేసేలా అక్కడి గోడలపై వేసిన పెయింటింగ్ లు ఆకట్టుకుంటున్నాయి.