పవిత్ర రమదాన్ మాసం కోసం అన్ని ఏర్పాట్లూ శరవేగంగా జరుగుతున్నాయి. మినిస్ట్రీ ఆఫ్‌ ఇండస్ట్రీ అండ్‌ కామర్స్‌, ప్రజలకు రమదాన్ సందర్భంగా కూరగాయలు, పళ్ళు, చికెన్‌, మటన్‌, ఇతర ఆహార పదార్థాల్ని అందుబాటులో ఉండేలా తగు చర్యలు తీసుకుంటోంది. వివిధ దేశాల నుంచి గొర్రెలు, కోళ్ళను దిగుమతి చేసుకోవడం ద్వారా రమదాన్ మాసంలో ఎక్కడా ఆహార కొరత రాకుండా చూడాలని ప్రభుత్వం, వ్యాపారులను కోరింది.దీనికోసం అవసరమైన ఏర్పాట్లు చేయడానికి ప్రభుత్వం సంసిద్ధంగా ఉన్నట్లు తెలిపింది.వివిధ దేశాల నుంచి వేల సంఖ్యలో గొర్రెలను దిగుమతి చేస్తున్నారు.ఇవి కాకుండా కోళ్ళనూ పెద్ద సంఖ్యలో దిగుమతి చేస్తున్నారు. వీటితోపాటు ప్రోజెన్‌ ఫుడ్‌ ఐటమ్స్‌ని కూడా అందుబాటులో ఉంచారు.బహ్రెయిన్‌ లైవ్‌ స్టాక్‌ కంపెనీ అంచనాల మేరకు రోజూ 4,600 గొర్రెలు వినియోగించబడ్తాయి పవిత్ర రమదాన్ మాసంలో బహ్రెయిన్‌ ఫ్లోర్‌ మిల్స్‌ కంపెనీ టన్నుల కొద్దీ ఆహార పదార్థాల్ని బేకరీ వినియోగం కోసం ఉత్పత్తి చేస్తోంది.

--యం.వాసుదేవ రావు(బహ్రెయిన్)