యూఏఈ: దొంగతనం కేసులో 10 మందికి దుబాయ్ క్రిమినల్ కోర్టు మూడు నెలల జైలు శిక్ష విధించింది. పది మందీ కలిసి 150,000 దిర్హాములు జరిమానా చెల్లించాలని న్యాయస్థానం ఆదేశించింది. జైలు శిక్ష పూర్తయ్యాకా నిందితుల్ని దేశం నుంచి బహిష్కరిస్తారు. ఓ వాహన నిర్వహణ సంస్థలో పని చేస్తున్న వ్యక్తిని ప్రధాన నిందితునిగా గుర్తించారు. ఓ పెట్రోల్ స్టేషన్‌లో పని చేస్తున్న తొమ్మిది మంది కార్మికులతో కలిసి అక్రమంగా రీఫిల్ లావాదేవీలు నిర్వహించారు. ఇందుకు గాను ఆ తొమ్మిది మందికి కొంత వాటా చెల్లించేవాడు. కంపెనీ, ఆడిటర్ అనుమానంతో అకౌంట్లు పరిశీలించగా మోసం బయటపడింది. సీసీ టీవీ ఫుటేజ్ ఆధారంగా ఈ నేరాన్ని గుర్తించారు.