ఎయిర్ ఇండియా ఎక్స్‌ప్రెస్, హ్యాండ్ బ్యాగేజీ నిబంధనల్ని మార్చడం జరిగింది. మారిన నిబంధనల ప్రకారం ప్రయాణీకులు ఒకటి కంటే ఎక్కువ హ్యాండ్ బ్యాగ్స్ తీసుకెళ్ళడానికి వీల్లేదు. పొడవు, వెడల్పు, ఎత్తు విషయంలో 115 సెంటీమీటర్లకు మించి హ్యాండ్ బ్యాగ్ ఉండకూడదు. అయితే, లేడీస్ హ్యాండ్ బ్యాగ్, ఓవర్ కోట్ లేదా వ్రాప్, రగ్ లేదా బ్లాంకెట్, కెమెరా లేదా బైనాక్యులర్స్, విమానంలో చదువుకునేందుకు అవసరమైనవి, గొడుగు లేదా వాకింగ్ స్టిక్, చిన్న పిల్లల ఆహారం సంబంధితమైనవి, వీల్ ఛెయిర్ (మడతబెట్టడానికి వీలుగా వుండేది), ల్యాప్‌టాప్ బ్యాగ్ విత్ ల్యాప్‌టాప్ వంటి వాటికి మినహాయింపు వుంది. అయితే, సెక్యూరిటీ చెకింగ్ నిబంధనలకు అనుగుణంగా వీటి విషయంలో నిర్ణయం తీసుకోవడం జరుగుతుంది.