యూఏఈ: అరుదైన సింగిల్ మరియు డబుల్ అలాగే ట్రిపుల్ నెంబర్ వెహికిల్ ప్లేట్ల కోసం వేలం జరుగుతోంది. 1 బిలియన్ మీల్స్ డ్రైవ్‌కి మద్దతుగా ఈ ఆక్షన్ నిర్వహిస్తున్నారు. ఎఎ8, వి66 (దుబాయ్), అబుదాబీ 11, 20, 99 మరియు 999 నెంబర్లు వేలంలో వుంచుతున్నారు. 50 దేశాల్లో వున్న పేదల ఆకలి తీర్చేందుకు ఈ వేలం ద్వారా వచ్చే నిధుల్ని వెచ్చిస్తారు. శనివారం ఏప్రిల్ 16న ఫోర్ సీజన్స్ హోటల్ జుమైరా, దుబాయ్‌లో ఈ వేలం జరుగుతుంది. రెండో ఆక్షన్ ఎమిరేట్స్ ప్యాలెస్ హోటల్ అబుదాబీలో ఏప్రిల్ 20న జరుగుతుంది. ప్రకృతి వైపరీత్యాలు సహా అనేక కారణాలతో ఆకలితో అలమటిస్తున్నవారికి ఆహారం అందించడం ఈ వేలం ఉద్దేశ్యం.