సౌదీ: హజ్ చేయాలనుకునే వ్యక్తుల హజ్ రిజిస్ట్రేషన్‌కు సహాయం చేస్తామని ప్రకటనలిచ్చే అనుమానాస్పద వెబ్‌సైట్‌లతో జాగ్రత్తగా ఉండాలని హజ్, ఉమ్రా మంత్రిత్వ శాఖ యాత్రికులను హెచ్చరించింది. 2022 సీజన్‌కు సంబంధించిన హజ్ విధివిధానాలను త్వరలో అధికారిక వెబ్‌సైట్ ద్వారా ప్రకటిస్తామని మంత్రిత్వ శాఖ తెలిపింది. హజ్ మంత్రిత్వ శాఖ ఈ సంవత్సరం హజ్ కోసం విదేశీ యాత్రికుల కోసం కొన్ని నిబంధనలు, షరతులను విధించనుంది. 65 ఏళ్లు పైబడిన వారిని యాత్ర చేయడానికి అనుమతించకపోవడం, యాత్రికులందరికీ రెండు డోసుల కరోనావైరస్ వ్యాక్సిన్‌లను తప్పనిసరి చేయడం వంటివి ఇందులో ఉన్నట్లు సమాచారం.