ఆరెంజ్‌ టాక్సీ ఓనర్లు, ఎయిర్‌పోర్ట్‌ ట్యాక్సీలకు ఎలక్ట్రానిక్‌ మీటర్‌ సిస్టమ్‌ని ఏర్పాటు చేయడం పట్ల సానుకూలంగా స్పందించారు. తమ వ్యాపారానికి ఈ కొత్త విధానం వల్ల వచ్చిన ఇబ్బందేమీ లేదని వారు చెప్పారు. ఒమన్‌ ఎయిర్‌పోర్ట్స్‌ మేనేజ్‌మెంట్‌ కంపెనీ, మీటరింగ్‌ సిస్టమ్‌ని అన్ని ట్యాక్సీలకూ ఏర్పాటు చేసింది. 6 ఒమన్‌ రియాల్స్‌ నుంచి ప్రారంభమయ్యే ఈ ధరలు ఒక్కో కిలోమీటర్‌కి 200 బైజా కలుపుకుంటూ వెళతాయి. కొత్త విధానంతో ఆరెంజ్‌ ట్యాక్సీలకు కూడా మేలు జరుగుతుందని ట్యాక్సీ మెంబర్‌ సులేమాన్‌ అల్‌ జర్దాని చెప్పారు. అయితే, మీటర్‌ ట్యాక్సీ ధరలు చాలా ఎక్కువగా ఉన్నాయని కొందరు అభిప్రాయపడుతున్నారు. తమ కస్టమర్స్‌లో ఎక్కువమంది వలసదారులేననీ, మీటర్‌ ట్యాక్సీ ధరలతో వారు బెంబేలెత్తుతారనీ, ఇది తమ వ్యాపారంపై తీవ్ర ప్రభావం చూపుతుందని అల్‌ జర్దానీ అనే వ్యక్తి చెప్పారు.