బహ్రెయిన్‌: మద్యానికి బానిసైన భర్త నుండి విడాకులు ఓ మహిళ విడాకులు పొందింది. మద్యపానానికి బానిసైన భర్త నుంచి విడాకులు మంజూరు చేయాలంటూ ఒక మహిళ చేసిన అభ్యర్థనను బహ్రెయిన్‌లోని షరియత్ కోర్టు ఆమోదించింది. మహిళ భర్త బాగా తాగుబోతుగా మారి  ఆమెను, వారి పిల్లలను ఉద్దేశ్యపూర్వకంగా నిర్లక్ష్యం చేశాడని, నిత్యం దుర్భాషలాడే వాడని కోర్టు ఫైల్స్ చెబుతున్నాయి. భర్తతో కలిసి జీవితాన్ని కొనసాగించేందుకు మహిళ చాలా కష్టాలు ఎదుర్కొందని ఫిర్యాదులో పేర్కొన్నారు. అనేక మంది సాక్షులు ఆమెకు అనుకూలంగా సాక్ష్యమిచ్చారు. దీంతో అన్ని విషయాలను కూలంకుషంగా పరిశీలించిన కోర్టు.. 35 ఏళ్ల వారి వివాహ బంధం నుంచి సదరు మహిళకు విడాకులు మంజూరు చేసింది.