సౌదీ: అబా-అసిర్ ప్రాంతంలోని అల్-మజారిదా నగరంలోని ఆసుపత్రిలో నర్సుపై దాడికి పాల్పడిన సౌదీ పౌరుడిని పోలీసులు అరెస్టు చేశారు. అతనిపై చట్టపరమైన చర్యలు తీసుకునేందుకు పబ్లిక్ ప్రాసిక్యూషన్‌కు రిఫర్ చేశారు. నర్సింగ్ కమ్యూనిటీ హక్కులను పరిరక్షించే చర్యల గురించి ఆరోగ్య మంత్రిత్వ శాఖ భరోసా ఇచ్చింది. ఆరోగ్య సిబ్బందిపై భౌతిక దాడి చట్టం ప్రకారం శిక్షార్హమైన నేరమని పేర్కొంది. అటువంటి నేరాలకు పాల్పడితే 10 సంవత్సరాల జైలుశిక్ష, SR1 మిలియన్ల వరకు జరిమానా విధించే అవకాశం ఉందని తెలిపింది. దాడులకు గురైన బాధితులందరూ అధికారిక మార్గాల ద్వారా సంబంధిత అధికారులకు ఫిర్యాదు చేయాలని లేదా 937కు కాల్ చేయాలని మంత్రిత్వ శాఖ విజ్ఞప్తి చేసింది.