మస్కట్: హజ్ యాత్ర నిర్వహించే యాత్రీకులకు (పౌరులు, నివాసితులకు) వ్యాక్సినేషన్ విషయమై మినిస్ట్రీ ఆఫ్ హెల్త్ కీలక ప్రకటన విడుదల చేసింది. వ్యాక్సినేషన్ ప్రక్రియ జులై 3 వరకు కొనసాగుతుందని పేర్కొంది. రెండు డోసుల వ్యాక్సినేషన్ పూర్తి చేసుకున్నవారికి మాత్రమే హజ్ యాత్రకు సౌదీ అరేబియా అనుమతిస్తోంది. కాగా, క్వాడ్రిక్ వ్యాక్సినేషన్ (మెనినోగోక్కల్ మెనిగిటిస్) అలాగే, సీజనల్ ఫ్లూ వ్యాక్సిన్ కూడా తప్పనిసరి. ప్రయాణానికి ముందుగా వ్యాక్సినేషన్ పూర్తి చేసుకోవాలని యాత్రీకులకు ఒమన్ హెల్త్ మినిస్ట్రీ సూచిస్తోంది.