యూఏఈ: గురువారం యూఏఈలో వేడి వాతావరణం కొనసాగుతుందని నేషనల్ సెంటర్ ఫర్ మిటియరాలజీ పేర్కొంది. కొన్ని చోట్ల స్వల్పంగా మేఘాలు దర్శనమిచ్చే అవకాశం వుంది. అదీ ఉదయం వేళల్లో మాత్రమే. ఓ మోస్తరు తీవ్రతతో గాలులు వీస్తాయి. అబుదాబీలో ఉష్ణోగ్రతలు 46 డిగ్రీల సెల్సియస్ టచ్ చేయనుండగా, దుబాయ్‌లో 45 డిగ్రీల వరకు నమోదు కావొచ్చు. గసియోరా మరియు అల్ కువా ప్రాంతాల్లో ఉష్ణోగ్రత 49 డిగ్రీల సెల్సియస్ వరకు నమోదవుతుంది. నిన్న నమోదైన అత్యధిక ఉష్ణోగ్రత 48.6 డిగ్రీల సెల్సియస్. అల్ షువైఖ్ (అబుదాబీ)లో ఈ ఉష్ణోగ్రత నమోదయ్యింది.