సౌదీ: జిసిసి దేశాల నివాసితులు, వ్యాపార, పర్యాటక, ఉమ్రా సంబంధిత పర్యటనల నిమిత్తం వీసా-ఫ్రీ ప్రయాణాన్ని సౌదీ అరేబియాకి చేసేందుకు త్వరలో వీలు కలగనుంది. సౌదీ అరేబియా ఈ మేరకు వీసా ఫ్రీ ట్రావెల్ విధానాన్ని జీసీసీ రెసిడెంట్స్ అందరికీ అందుబాటులోకి తీసుకురానుంది. యూఏఈ, బహ్రెయిన్, కువైట్, ఒమన్ మరియు ఖతారీ ఇమ్మిగ్రేషన్ అథారిటీస్ జారీ చేసే వర్క్ వీసా మరియు  చెల్లుబాటయ్యే రెసిడెంట్ వున్నవారికి ఈ అవకాశం లభిస్తుంది. దీనికి సంబంధించి డ్రాఫ్ట్ బిల్లు సిద్ధమయినట్లు సౌదీ అరేబియా మినిస్ట్రీ ఆఫ్ టూరిజం పేర్కొంది. అయితే, మెయిడ్ వీసా లేదా నిర్మాణ రంగ కార్మికుల వీసా, ప్రొఫెషనల్స్, వైట్ కాలర్ వర్కర్లు.. ఇలా పలు విభాగాలకు కొన్ని వెసులుబాట్లు కల్పించే అవకాశం వుంది.