దోహా: మినిస్ట్రీ ఆఫ్ పబ్లిక్ హెల్త్ లైసెన్సింగ్ డిపార్ట్‌మెంట్ నుండి లైసెన్స్ లేకుండా ఒక ప్రైవేట్ హెల్త్ ఫెసిలిటీలో పనిచేస్తున్న ఇద్దరు హెల్త్ ప్రాక్టిషనర్స్ పై చర్యలు తీసుకున్నట్లు మినిస్ట్రీ ఆఫ్ పబ్లిక్ హెల్త్ (MoPH) తెలిపింది. ఫిజియోథెరపిస్ట్, ఒక కప్పుపింగ్ థెరపిస్ట్ సరియైన లైసెన్స్ లేకుండానే పనిచేస్తున్నట్లు గుర్తించినట్లు పేర్కొంది. నిబంధనలు ఉల్లంఘించిన హెల్త్ ప్రాక్టిషనర్స్ ను అంతర్గత వ్యవహారాల మంత్రిత్వ శాఖ సహకారంతో ప్రాసిక్యూషన్‌కు పంపినట్లు తెలిపింది. వీరిపై ఆరోగ్య వృత్తుల నియంత్రణకు సంబంధించిన 1991 చట్టం నంబర్ (8) ప్రకారం తగిన చర్య తీసుకోబడుతుందని మినిస్ట్రీ ఆఫ్ పబ్లిక్ హెల్త్ పేర్కొంది.