సౌదీ: వచ్చే నెల హజ్ తీర్థయాత్ర సీజన్‌ ప్రారంభమవుతున్న నేపథ్యంలో ముస్లిం యాత్రికులకు సేవలను అందించే ఉద్యోగాల కోసం సౌదీ అధికారులు రిజిస్ట్రేషన్ ప్రారంభించారు. హజ్, ఉమ్రా మంత్రిత్వ శాఖ సీజనల్ ఉద్యోగాలకు దరఖాస్తుదారుల కోసం నిబంధనలను జారీ చేసింది. సౌదీ జాతీయులు, అవసరమైన అర్హతలు, అనుభవం కలిగి ఉండాలని, కనీసం 24 సంవత్సరాల వయస్సు కలిగి ఉండాలని అందులో పేర్కొన్నారు. దరఖాస్తుదారులు శారీరకంగా, ఆరోగ్యంగా అర్హత కలిగి ఉండాలని, ఇంటర్వ్యూలో ఉత్తీర్ణులైన వారిని ఎంపిక చేస్తామని తెలిపింది. గతంలో సేవలందించిన వారికి ప్రాధాన్యత ఇవ్వబడుతుందని మంత్రిత్వ శాఖ పేర్కొంది. డ్రైవింగ్ ఉద్యోగాల కోసం దరఖాస్తుదారులు రవాణా లైసెన్స్ కలిగి ఉండాలని, అలాగే  పర్షియన్, ఉజ్బెక్, చైనీస్, ఉర్దూ, టర్కిష్ వంటి భాషల్లో మంచి పట్టు ఉన్నవారికి అధిక ప్రాధాన్యత ఉంటుందని మంత్రిత్వ శాఖ పేర్కొంది.